Mêrdîn de vera qeyûmanê Amed, Wan û Mêrdînî raya 15’ine çalakîya roniştişî ameye viraştene.

Sey her roje reyna cayê çalakîye hetê polîsan ra gerîya binê ablûqa.  Hemwelatijanê ke waştêne paştî bidê çalakîye polîsan destûr înan nêda. Reyna partîyijê ke qezayan ra ameye raştê astengîya polîsan ameyî û no bi sebebê pêrodayîşî. Dimaya çalakîya roniştişî ya di saetan eşkerayîya çapemenîye ameye dayene. Parlamenterê HDP’yî yê Êlihî Necdet Îpekyuzo ke eşkerayîye de qisey kerd vera xespkerdişê şaredarîyan bale ante xoverdayîşê şarî ser û vat Tirkîya de huqûq xoser nîyo û şarê Kurdî do heta peynî bi xoverdayîş wayîrê destkewteyan ê heqanê xo bivejîyo. Dimaye eşekrayîye çalakîye bi çepik û tîlîlîyan qedîyaye.