Çalakîyê vera qeyûmî dewam kenê. Wan de vernîya rêxistîna qezaya Artemêtanî de eşkerayîya çapemenîye ameye dayene.  Parlamenterê HDP’yî Mûrat Sarisaç, Muazzez Orhane, Dîlan Dîreyet Taşdemîre, Mansûr Işik û Huseyîn Kaçmaz,, hemşaredarê Bajarê Pîlî Mûtafa Avci û hemserekê partîye yê bajarî Umît Dede , Yadîşen Karabûlake, endamê Meclîsê Mayanê Haştîye  û xeylî kesî tewrê çalakîye bîyî.

Parlamenterê HDP’yî yê Şirnêxî Huseyîn Kaçmazo ke çalakîye de qisey kerd bale ante ke peynîya AKP’yî bîya nêzdîyî û va: ‘‘AKP’yî bi xespkerdişê îradeyê arî reyna ramojna ke ê demê xo yê peyên de yê. AKP her roje bineyna helîyeno. AKP bi polîtîkaya xo ya hêrişkarê çalê xo kenena. Ma na derbeya sîyasîye çi rey qebûl nêkenê vera naye xoverdayîşê ma do dewam bikero. Se beno wa bibo ma na derbeye qebûl nêkenê wayîrê îradeyê şarî vejîyenê. Peynî ra tewr peynî do îradeyê şarî ser bikewo.‘‘ Badê eşkerayîye bi slogananê ‘Ma huşnêkene, nêtersenê, îtaat nêkenê’  û ‘Amed, Mêrdîn û Wan ê ma yê‘ çalakîya roniştişî ameye viraştene. Dimayê çalakîye grûbe do semedê mîtîngê 1’ê Êlule Roja Haştîye ya Dinya vilawekan vila bikero.