Murat Yildizo ke dewa Kilmerî ya qezaya Pulurî ya Dêrsimî de ciwîyayêne 7ê gulane de seba ke heywanan rê cayêk virazo pê wesayîtê xo gama ke şiyêne hetê dewa Agaçpinarî bombardumanê dewleta tirke de amebi qetilkerdene.

Cenazya Yildizî badê 20 rojan 25ê gulane de Dezgehê Tipê Edlîyî (ATK) yê Meletî ra ameye girewtene.

Cenazaya Yildizî ke Cemxaneyê Pulurî ra  ameye berdene goristan û tîya binê ablûqaya leşkeran de ameye definkerdene. Leşkeran destûr nêda ke HPDyîjî û temsîlkarê rêxistinanê komelê sîvîlî tewrê cenaza bibê.