Çeteyanê DAÎŞî hêrişê dewa Qaye ya ke girêdayeyê nahîyeya Gulala ya Xaneqînî ya û ewja de kurd û erebî têmîyan cuyenî, kerd. Netîceyê hêrişî de 7 sîvîlî birîndar bîyî û 2 sîvîlan ra zî xebere nîna girewtene.
Çeteyanê DAÎŞî herêmê sey Kerkûk, Dakuk, Xurmatû ke ser o munaqeşeyî estî ra dima vizêr şewe hêrişê dewa Qaye ke girêdayeyê nahîyeya Gulala ya Xaneqînî kerd.
Hêriş saete dormeyê 10ê şewe virazîya. Dewe de kurd û erebî têmîyan cuyenî û netîceyê hêrişî de 7 sivîlî birîndar bîyî, 2 sivîlan ra zî xebere nîna girewtene.
Mudirê Polîsan yê Xaneqînî dîyar kerd ke dewijan cewab dayo hêrişê çeteyan û nizdîyê nîme saete pêrodayîş dewam kerdo. Goreyê çimeyanê ewleyîye, çeteyanê DAIŞî 3 banî û 3 wesayîtî veşnayî.
Çeteyanê DAÎŞî aşma tebaxe de zî hêrişê eynî dewe kerdbî. O wext dewijî mecbûr mendbî ke dewa xo biteriknî.
Çeteyan roja 3ê êlule eştbî dewa Ebuşahîrî ya Kerkûkî ser û 10 kesî qetil kerdbî.
