Vîrusê korona ke Çîn de vejîya werte zaf welatan de vila bi û hema zî beno semedê mergan. Îran de 24 saetanê peyênan de 15 kesî merdî.

Berpirsîyarê Wezaretê Weşîye yê Îranî Kîyanuş Cîhanpurî pare kerd ke hûmara merdimanê ke vîrusê Korona ra merdî welat de 92 kesan ra resaye 107 kesan. Sersefîrê Îranî yê Şamî û Wekîlê Wezîrê Karanê Teberî û Şêwirmenê Serekê Meclîsî Huseyîn Şeyhulîslam zî vîrusî ra merdî. Îran de zaf wekîlî vîrusî ra kewtî. Çend rojî verê cû wekîlêkê Tehranî merdbi. Hetkarê Serekê Meclîsê Îranî Abdurriza Misrîyî dabi zanayene ke 23 wekîlî virusî ra kewtê. Vizêr wekîlêko bîn vîrusî ra kewt. Bi nê hawayî hûmara wekîlanê ke vîrusî ra kewtî bîye 24 kesî.Vîrusê Korona 31 eyaletanê Îranî de vila bi. Vîrus bi giranî Tehran, Qum, Îsfahan, Merkezî, Mazenderan û Gîlan de vila bi.