Bajarê Ahvazî yê Îranî de wexto ke merasîmê leşkerî ameyêne viraştene, hêrişêko sîlehin virazîya. Ewil ame vatene ke 10 leşkerî merdî, 30 kesî zî birîndar bîyî.

Dim ara ajansê fermî IRNA de bîlançoyêk ame aşkere kerdene. Goreyê bîlançoye tewr tay 24 kesî merdî, 53 kesî zî birîndar bîyî.

Îdareyê Tehranî rejîmê xerîbî ke hetê Washîngtonî ra yeno destek kerdene, sey berpirsîyarî nîşan da. Selahîyetdaran aşkere kerd ke hêriş hetê 4 kesan ra ameyo kerdene û nînan ra 2 kesî ameyî kiştene û 2 kesê bînî zî tepişîyayî.

Cepheyê Şarî yê Demokratîke yê Ahvazî berpirsîyarîya hêrişî girewt xo ser. Cepheyî îzehetêko kilm dayo û wina vato: “Şerwananê ma bi cesaretêko gird vera dagîrkeranê Velayetî Fekî de çalakîyêka girde viraştî.”