Şerê Îsraîl-Hamasî roja 7. de dewam kerd. Îsraîlî şewe bi seyan reyî hêrişê Gazze kerd. Îsraîlî nimajê îneyî ra ver hêzê xo zî Qudus de cakerdî.

Rêxistina Çimdarîya Heqanê Merdiman (HRW) Îsraîl sûcdar kerd ke operasyonan de fosforo sipî şuxilnayo.

Roja 7. ya şerê Îsraîl û Hamasî de Îsraîlî hişyarîye daye ke wa sivîlê vakurê Gazze mîyanê 24 saetan de ver bi başûrî şorê. Vervatoxê Sekreterîya Pêroyî ya NYyî waşt ke no ferman bêro betalkerdene. Artêşa Îsraîlî eşkerayîya xo de pare kerd ke heta fermanê înan ê diyînî wa çew anêgêro Gazze. Hamasî vera ney seferberîye îlan kerde.

Goreyê doneyanê peyênan şer de tewr tay hezar û di se îsraîlijan û hezar û çar se filîstînijan dinyaya xo bedilnaya.

Serekwezîrê Îsraîlî Bunyamîn Netanyahuyî dîyar kerd ke Hamas do sey DAÎŞî bêro pelçiqnayene.

Beno ke Îsraîl erdî ra zî hêrişê Gazze bikero.