Îsraîlî  rîyê roketê ke roja çarşame Gazze ra erzîyayîbî Ber Şeba, bi teyaranê şerrî Gazze de tayî cayî bombardûman kerdî.

Goreyê eşkerayîya ke artêşa Îsraîlî hesabê xo yê Twîtterî ser ra vila kerda, vera hêrişê roketa ke Gazze ra erzîyaya, jetanê Îsraîlî zî  Gazze de çend cayî  bombardûman kerdî.

Goreyê zanayîşan 3 nuqteyê Gazze ameyî bombardûmankerdene. Derheqê merde û birindanan de zanayîş bi dest nêkewt.

Goreyê tayî çimeyan zî hêrişî ra dima, Îsraîlî Berê Sinorî yê Erez û Kerem Ebu Salemî qefilnayî.