Bajarê Crotone yê Îtalya ke herêma Calabria ya de yo, keştîya ke macîrî kiriştêne, cum bîye. Goreyê eşkerayîya selahîyetdaran 80 kesî weş ameyî xelisnayene û 43 kesî merde ameyî vinayene.

Serekê Herême Roberto Occhiuto da zanayene ke tutî zî tede bi desan kesî fatisyayî, xeylêk kesî vînî bîyî vat Calabria rîyê na felakete ra sîya giredayo.

Goreyê asayîşê qerexî keştîye 120 kesî kirştêne û çend metreyî mendbî ke bireso qeraxî, ginayî zinaran ro.  Ekîbanê îtfaîye zî îfade kerd ke 200 ra zafêr kesî keştîye de bî.