Vervatoxê artêşa Îsraîlî şewdirê çarşemeyî eşkerayîyêke daye û dîyar kerd ke hêrişê Hamasî yê vera Îsraîlî de hûmara qurbanan resaya 1200. Jonathan Conricusî zî hesabê xo yê Xî de dîmenêk weşana û pare kerd ke hetê Îsraîlî de tewr tay 2700 kesî birîndar bîyê.

Hetê Fîlistînî de zî goreyê selahîyetdaranê herêmîyan Gazze û Şerîdê Rojawanî de 974 kesî ameyê kiştene û tewr tay 5000 hezar kesî birîndar bîyê.

Selahîyetdaranê Hamasî da zanayene ke hêrişanê hewayî de tewr tay 30 kesî kişîyayê û bi seyan kesî zî birîndar bîyê. 

Artêşa Îsraîlî şewdirê sêşemeyî bi eşkerayîyêke pê hesnabi ke înan Gazze de cesedê 1500 şerwananê Hamasî dîyê.

Goreyê Ofîsê Koordînasyonê Heqanê Merdiman ê Neteweyanê Yewbîyayeyan (NY) Şerîdê Gazze de 263 hezar û 934 kesî neçare mendê ke wareyê xo biteriknê û beno ke na hûmare bizêdîya.

Ofîsî pare kerd ke bombardumanan de Filîstîn de tewr tay 560 bînayan xesar dîyo.