Îsraîl xo amade keno ke erdî ra vera Gazze mudaxeleyê leşkerî bikero. Qasê mîlyonêk merdimî Gazze ra remayî. Goreyê Hamasî 7ê teşrîna verêne ra nata se hezar kesî kişîyayê. Îsraîl de zî qasê 1400 merdimî kişîyayî.
Goreyê Wezîrîya Weşîye yê Hamasî hêrişanê Îsraîlî de 2 hezar û 750 kesî kişîyayê û 9 hezar û 700 kesî zî birîndar bîyê.
Hetê Îsraîlî zî pare kerd ke sivîlî zî tede tewr tay 1400 îsraîlijî kişîyayê.
Îsraîl xo amade keno ke erdî ra vera Gazze mudaxeleyê leşkerî bikero. Qasê mîlyonêk merdimî Gazze ra remayî.
Dîya zanayene ke serê sibayî saete 09.00 ra nata adirbirnayîşê merdimatîye ameyo îlankerdene. La goreyê Reutersî medyaya Hamasî vato ke xebera înan pê adirbirnayîşî çin a.
Netîceya pêvînayîşanê Îsraîl û Amerîka de zî Misirî berê Refahî akerd.
Ajansê Multecîyanê Filîstînijan ê Neteweyanê Yewbîyayeyan (UNRWA) roja yewşemeyî eşkera kerd ke Gazze de hêrişanê Îsraîlî ra felaketêkê merdimarîye qewimîyeno. Serekê UNRWA Phillippe Lazzariniyî kombîyayîşê çapemenîye de vat: ''8 rojî yo nêno verdayene ke çilka awe, hebê genimî, lîtreyêka sotemenî bikewê Gazze.''
