Adirê Newroze par eyaletê Chiapasî de warê ronîyayîşê têgêrayîşê Zapatista de amebi tavistene.

Emser zî paytextê Meksîka Meksiko de vengdayîşê kurdan ser o bi desan merdimanê Amerîkaya Latîne û Meksîka adirê Newroze vist ta. Şayîye Los Dinamos Ekolojîk Park de ameye kerdene.

Beşdaranê Newroze warê Newroze xemilna, adirê Newroze vist ta û werdeyê ke xo het de ardê werdî.

Şayîye de qala rewşa peyêne ya Kurdîstanî û tecrîdê vera Rayberê Şarê Kurdî Abdullah Ocalanî ameye kerdene û girîngîya xoverdayîşê hemparî ser o ameye vindertene. Çalakîkeran soz da ke têkoşînê azadîye yê Kurdîstan, Meksîka, Kolombiya, Walmapû (Şîlî) pîl bikerê û dormeyê adirî de govende girewte.

Şayîye heta şewe dewam kerde.