Alba Ventura: Erdoganî de ne rehm est a ne zî heqîqete
Rojnamegera Fransiz a Radyoya RTLyî Alba Ventura, nuşteyê xo yê edîtorî de ca da wextê erdlerzî de xebata weçînayîşî ya Erdoganî û vat, ‘‘Ey de ne rehm est a ne zî heqîqete.’’
Rojnamegera Fransiz a Radyoya RTLyî Alba Ventura, nuşteyê xo yê edîtorî de ca da wextê erdlerzî de xebata weçînayîşî ya Erdoganî.
Ventura, nuşteyê xo de ard vîrardene ke erdlerzê 1999î yê Îzmîtî de Erdogan seba îktîdarê ê wextî vato se û persa ‘‘Pisporê ê wextî vatbî ke, heta 2030î do erdlerzêk bibo la Erdoganî nê 20 serran de se kerdo?’’
Erdlerzê Mereşî ra dima seba vatişanê Erdoganî yê ‘hazirbîyayîşê na felakete munkun nîyo’, Venturayî wina nuşt, ‘‘Ey de ne rehm est a ne zî heqîqete. Tewr xirab zî o yo ke nê erdlerzî de zî seba weçînitişî xebitêno.’’
‘‘Erdogan nêeşkeno tehamulê rexneyan bikero û seba ke şar ey rexne keno, o zî seke heyf bigîro Tweterî pada û Halê Îstîsnayî îlan kerd.’’
Venturayî wina qedêna: ‘‘Erdogan xora verê na trajedî zî zeîf bîybî, anketan de vindî kerdbî la seba ke muxalefet zaf vilakerde yo hema zî favorî yo. Êdî her çî girêdayeyê kerdişanê ey ê dimayê erdlerzî yo. Oyo ke teqez o, no yo; encamê na felakete giran benê, xora problemê ekonomîkî est bî. Do eflasyono ke hîna giran nê çîyan rê vêşî bibo.
