Serekê Meclîsê Temsîlkaran Tayvan zîyaret kerdbi û zîyaret 24 saetan ra kêm dewam kerd. Pelosiyî zîyaret de dîyar kerd ke Çîn Tayvanî rê gefan waneno û ê do girawe nêteriknê.

25 serran ra dima reya verêne selahîyetdarêkê payeberzî yê Amerîka Tayvan zîyaret kerd. Artêşa Çînî zîyaretî ra dima nêzdîyê rayîranê bazirganîye yê Tayvanî de tatbîqatêko leşkerî yo pîl kerd.

Kanala CCTV û Çînî pare kerd ke tatbîqat do heta yewşemeyî dewam bikero. Artêşa Tayvanî zî îfade kerd ke 'Ê nêgêrenê şerî û amadekarîyê şerî kerdê.'

Selahîyetdaranê Çînî da zanayene ke zîyaretê Pelosiyî ra dima tatbîqato winasên 'hewce yo û tedbîrêko meşrû yo.'

Temsîlkarê Berzî yê Polîtîkaya Teberî yê Yewîya Ewropa Josep Borrellî zî tatbîqat şermezar kerd.

Çîn girawa Tayvanî sey erdê xo vîneno û ano ziwan ke eke hewce bibo ê do 'teda bişuxilnê.'