Sekreterê Pêroyî yê NATOyî Jens Stoltenbergî vizêr twitterî de eşkerayîyêke weşanaye û îdîa kerd ke derheqê alozîya Dezgizê Sipî ya mabênê Yunanîstan û Tirkîya de do dîyalogî dest pêbikerê.

Labelê hukmayê Yunanîstanî şan eşkerayîya Stoltenbergî kerde zûr. Wezaretê Karanê Teberî vat: ''Zanayîşê NATOyî yê derheqê dîyalogan de raştî îfade nêkenê.''

Eşkerayîya Wezaretê Karanê Teberî yê Yunanîstanî de provoasyonê AKP-MHPyî yê vera Yunanîstanî ame vîrvistene û ame vatene: ''Ma karê Sekreterê Pêroyî yê NATOyî yê seba kêmînayîşê alozîye nor kenê. La alozîye rêna bi xo apey antişê keştîyanê tirkan wedarîyena.''

Hukmatê tirkî menganê peyênan de vera Yunanîstanî provakasyonan keno, tewr peyên 10ê tebaxe de keştîya bi nameyê Oruç Reîsî ya Tirkîya kewte warê Yunanîstanî.

Tirkîya DYA û Rûsya reyde manewrayê leşkerîyî kerdî. Fransa, Îtalya û Qibrisî zî hêzanê dengizî yê Yunanîstanî reyde tatbîqatê leşkerîyî kerdî.