Awustralya ke aşma êlule ra nata bi şewetanê girdan gelç vejena tewr peynîye de şilî varaye. Ame zanayene ke bi gurrayîşê hewran û firtineyan dûyo biaxû yê şewatî vila bi.

Bitaybetî bajarê Melbourne sereyê hewteyî ra nêeşkayêne nefes bigiro. Dezgehê Pawitişê Derûdorî  EPA da zanayene ke gurrayîşê hewran û firtineyan rewşa hawayî weş kerde. Goreyê Metoroljî heta peynîya hewteyî varanê neweyî yenê pawitene. Eke varan dewam bikero aşma êlule ra, krîzê şewatî ra nata no beno dewro şilîyin o verên.

Rîyê şewatî girdî ra heta nika 28 kesan cuya xo vînî kerde, nêzdîyê 1 mîlyar heywanan gan da, 2 hezarî keyeyî rijîyayî û warê 100 hezar kîlometrayan vêşa bi wele.