Azaz de teqayîş: Tewr tayî 4 kesî merdî
Bajarê Azazî ke binê îşxalê artêşa tirkî û çeteyanê OSOyî de yo merkezê ci de teqayîşo ke têsirin ame meydan. Tewr tayî 4 kesî merdî.
Bajarê Azazî yê Vakurê Sûriya ke binê îşxalê artêşa tirkî û çeteyanê OSOyî de yo merkezê ci de goreyê saete herême teqayîşêko têsirin ame meydan. Teqayîşo ke cayê tehmîrkerdişê wesayîtanî de ame meydan, xeylê wesayîtan kila girewt.
Goreyê çimeyanê herême nêzdîye ca yê çeteyan de teqayîş ame meydan û tewr tayî 4 kesî merdî û xeylê zî birindar bîyê.
Azaz de rojanê cuwa ver wextê peyserbîyayîşê çeteyan de teqayîşêk bibi û xeylê endamê MÎTî ameybî kiştene.
