Komîsera Berze ya Heqanê Merdiman a Neteweyanê Yewbîyayeyan Michelle Bachelet derheqê protestoyanê seba Geroge Floydî de eşkerayîyêke weşanaye.

Bachelete eşkerayîye de vera hêrişê serê rojnamegeran û çalakîkeran nêrazîbîyayîşî xo mojna û vat: ''Seke yeno dîyene çalakîyan de rojnamegeran rê hêrişê fîzîkî yenê kerdene, bi hawayêkê keyfî yenê tepiştene. Heta nika 200 serebûtî resayî ma û zafê înan vera rojnamegeran ê. Azadîya îfade û medya DYA de krîteranê bingeyînan ra yê. Coka nê serebûtî merdiman mat kenê.''

Bachelete waşt ke Îdareyê DYA xo nîjadperestî û şîdetî ra bixelisno û goş bido çalakîyanê protestoyî.

Bachelete vat: ''Ganî goş bêro dayene vengdayîşanê seba vergirewtişê kişîyayîşê afro-amerîkanijan. Ganî goş bêro dayene vengdayîşê qedînayîşê şîdetê polîsan. Seba qedînayîşê nîjadperestîye ganî goş bêro dayene nê vengdayîşan ser.''