Baxda de vejîyayîşê teberî ame qedexekerdene. Qedexeyê vejîyayîşê teberî yê "şexs û wesayîtan" ame tasdîqkerdene û saete 05.00'ê Pancşeme ra ame destpêkerdene.

Karmendê şaristanî yê Herêma Keske zî tede seba rojêke destûr înan rê ame dayene. Sefaretxaneyo Pîl ê Amerîka yê Baxda ame padayene. Qedexeyê vejîyayîşê teberî şaristananê Necef û Nasirîye de zî ame îlankerdene. Nawîyayîşanê protestoyî de ke di roje dewam kerd goreyê çimeyanê weşîye tewr tay 18 kesan cuya xo vînî kerde, înan ra yewê zî polîs o. Hêzanê asayîşê yê Iraq'î şanê Çarşemeyî rojnamegerî pê pirodayîşî destbend kerdî. Lîderê Şîa Muqteda Sadrî veng hetkaranê xo rê kerd ke tewrê çalakîyan ê roniştiş ê haştîyaneyan bibê. Çalakîyan de bêkarî, xizmetê xirabî yê umûmî û karê nênê caardene yê sîyasetmederan ê Iraqij ameyî şeqiznayene.Hukmatî heta nika 'sabotajkar'ê çalakgeran sucdar kerdî û pê tedaye tê gêrayo. Hêzanê asayîşî Baxda, Necef û Nasirîye de fîşêkê rastikênî verba beşdaranê nawnayîşan xebitnayî.