Verfekê Dezgehê Îdareyê Afete yê Endonezya Sutopo Purwo Nugrohoyî dîyar kerd ke bîlançoya erdlerz û tsunamî ya Endonezya zêde bîya û hûmara merdeyan resaya hezar û 234 kesan. Verê cû amebî vatene ke netîceyê erdlerz û tsunamî de 844 kesî merdî.

Girawa Sîlawesî ke çar girawanê girdan yê Endonezya ra ya, ewja de roja îne 2 erdlerzî bibî û dima ra tsunamî bibî.

Buroyê Koordînasyonê Karê Merdimîye yê Milletê Yewbîyayeyî roja dişeme îzeh kerdbî ke lazimîya 191 hezar kesan bi hawayo lez hetkarîye esta. Nînan ra 46 hezarê ci doman î û 14 hezar kesî zî extîyar î.