Cinîayan ê Amedî derehqê 8ê Adare Roja Cinîyan ê Kedkaran a Dinya de ANFyî rê qisey kerd.

Şîlane Aytemiz: Welatê ma de roja cinîyan de  zî cinîyî yenê qetilkerdene. Ma sey cinîyan gerek bibê yew û vejîyê waran û wayîrê heqanê xo bivejê. Gerek ma vera zextan û neheqîye sere wedarê. Ma do 8ê Adare de waran de bê.

Hediye Kurt: Ma cinîyî haştî wazenê. Şarê kurdî û cinîyî hewceyê haştî yê. Gerek ma verî kênayanê xo bidê wendiş. Ma sey cinîyan gerek bibê yew û xover bidê

Eda Ekin: Ma welatê bêşîdetî wazenê ke cinîyî tede azad têgêrenê. Ma cinîyî zaf hêzdar ê, gerek ma bibê yew û têkoşînê xo xurtêr bikerê. Çi heyf ke nê welatî de qanûnê ke cinîyan pawenê çînê.

Suzan Koçak: Ma sey cinîyan gerek xo bipawê.Wa hinda cinîyî azad bieşkê fîrkê xo vajê. Ma sey cinîyan bibê yew ke raştê şîdetî merê. Gerek cinîyî bibê azad û dezgehê cinîyan zafêr bê.

Fatima Kantar: Ez hêvî kena şîdet û qirkerdişê vera cinîyan biqedîyê. Gerek ma hinda vera zîhnîyetê camerd serdestî têkoşînî xurtêr bikerê. Gerek warê ke cinîyî xo tede azad îfade kenê bêrê pêardene. Çi heyf ke nê welatî de asayîşê qet cinîyêke çîn o. Gerek qanûnê ke cinîyan pawenê bêrê caardene.