DAÎŞî Dîyala de 10 leşkerê Iraqî kiştî

Cerganê DAÎŞî Dîyala de hêrişê artêşa Iraqî kerd. Netîceya hêrişî de 10 leşkerî kişîyayî, 25 kesî zî birîndar bîyî.

Goreyê medyaya Iraqî cerganê DAÎŞî vizêr şewe nêzdîyê dewa Îmranîyê ya qezaya Wecîhîye a Dîyala de hêrişê artêşa Iraqî kerd. Hêriş de 10 leşkerî kişîyayî, 25 kesî zî birîndar bîyî.

Birîndarî wedarîyayî nêweşxaneyanê Dîyala û yeno vatene ke rewşa tay birîndaran giran a.