Dengizo Sipî hînî gorîstano tewr pîler ê dinya yo. Peynîya nê hewteyî de Dengizê Sipî de tewr tay 41 kesî merdî.

Qeraxanê Tirkîya de seba ke keştîyêke binê awe ro şîye tewr tay 11 kesî merdî ke 8ê înan doman bîyî. Çend rojî verê cû Tirkîya de di qezayê keştîyan qewimîyayî. Keştîyêka ke 50 kesî tede bîyî qeraxanê Yunanîstanî de binê awe ro şîye. Nê qezayî de 12 kes merdî. 20 kesî zî hetê tîmanê pawitişê qeraxî ra ameyî xelisnayene. Êyê ke ameyî xelisnayene ameyî berdene bi nêweşxaneyê Preveze.

Serekê Konseya Herême Dîmîtrîs Karamanîdîsî derheqê qezayî de vat: "Şahîdan vatêne ke keştîye tîpê kabînî ya. Merdimanê ke kabîn de cixarê şimitêne dî ke awe kewte keştîye ser. O wext zî qerqilîyayî û keştîye şîye binê awe ro."

Serra 2019î de qasê ke ame tesbîtkerdene 1300 kesî Dengizê Sipî de qezayan de merdî. Goreyê Rêxistina Koçî ya Mîyanneteweyîye mabênê panc serranê peyênan de 20 hezar kesî merdî.