Konferansê ''Azadî seba Abdullah Ocalanî, Aştî û Îstîkrar seba dinya' ke bi rayberîya Grûba Xebate ya Heqanê Merdiman a Kurdan û Însîyatîfê Azadîye seba Rayber Apoyî yê Sûrîye, Paytextê Afrîkaya Başûre Cape Town  de yena  viraştene, roja verêne xo dima verdaye.  Konferaso ke Vakur û Rojhelatî ra xeylê însanî beşdar bîyê, do ewro dewam bikero.

‘Gere ma bineyna vengê xo berz bikerê’

Sendîkager Malderven De Bruynî zî behs kerd ke, gere merdim seba çi Rayberê Şarê Kurdî Abdullah Ocalanî rê wayîr bivejîyo û vat, ‘‘êyê ke seba azadîya Rayber Şarê Kurdî Abdullah Ocalanî xebitênê, gere bineyna vengê xo berz bikerê.’’

‘Destê ma ra çi bêro gere ma bikerê’

Prema Nadîo ke demê têkoşînê rejîmê Apartheîdî de Nelson Madela reyde mendo, behsê prosesê îşkenceyê Girawa Robene kerd û vat, ‘‘Çîyê ke mi ê demî de dîyî, kenê ke ez hemrayîya Abdullah Ocalanî hîna weş fam bikera. Coka, seba ke Abdullah Ocalan azad bibo, destê ma ra çi bêro gere ma bikerê.

 ‘Bêvengîya mîyanneteweyî, ma eşkenê bi têkoşînê hempar ê bindestan bişiknê’

Sekreterê Têkilîyanê Mîyanneteweyan ê Partîya Komunîstan ê Swazîlandî Krîsh Govenderî, qiseykerdişê xo de behsê ‘Hêz û Huqûq’î kerd, îşaret kerd ke quqûq tena seba xurtan yeno bi ca û ard ziwan ke şertê tecrîdî yê Abdullah Ocalanî rîyê bêvengîya komelanê mîyanteneweyîyan ra yo. Governderî dîyar kerd ke peynîya bêvengîye komelanê mîyanneteweyan bi pîya xebityayîş ê şaranê bindestan mumkun o.

‘Dermanê îslamê hegemonîkî, modelê Netewa Demoktarîk o’

Panelê roje yê peyêne derheqê hegemonyaya îslamî de ame dayene. Panel hetê Farîd Esackî ra ame dayene. Esackî dîyar kerd ke, şarê kurd hetê ê dewletan ra ke vanê ma terefgirê îslam ê, yenê îstîsmarkerdene. Esackî ard ziwan ke Rayber Şarê Kurdî Abdullah Ocalanî çareserîya ci zaf baş kerda û bale ante Peymanê Medîne aya ke Peyxember Mûhammed seba îslamê hegemonîkî vatbî, ‘‘Qet ferqê îslamê hegemonîkî û yê îdeolojîyê mafyayî yê dinya çin o.’’

Esackî dîyar kerd ke Erdogan bi nameyê îslamî, kurdan îstîsmar keno û ard ziwan ke vera hegemonê îslamî yê Rojhelatê Mîyanî, xelisnayîşê şaran û mislimananê rastan, bi modelê Netewa Demokratîke mumkun o.

Roja diyine ya konferansî de zî do 3 panelî bêrê dayene. Dima do seba Dostê Kurdan ê Afrîkaya Başûre, Awankerdoxê KHRAGî û huqûqnas Essa Moossa programê vîrardene bêro viraştene.