Fransa de bi amancê protesto kerdişê bêedaletîya sosyale, bicaardişê polîtîkayanê aborîye yê xeletan yê hukmatî, hêvî bena ke  bi se hezaran a kesê ke roja şemeyî û yewşemeyî meydanan de bîyê çalakîyanê xo bidomnê.
   
Çalakîyê  se hezaran ê ke zêdênayîşê bacan, zembîyayîşê fîyetanê ardû û sewbîna protesto kenê, do dewam bikerê.
  
Vizêrî keso ke çalakîyan de qisey kerdêne, winî va: “ Hendî şar ganê xo ra bêzar bîyo û ma nêeşkenê nê gureyî safî bikerê” û va ke ma bi meaşanê xeylî tayan yenê girwenayene.
   
“Hendî lazim o ke ma vajê bes o. Nika ma nêcûyenê, ma tekoşîn danê ke debara cûya xo bikerê.” Yew ciwano ke vat şar hendî bêzar bîyo, zor dano hukmatî ke halê înan fam bikero û dîyar kerd ke ”ma wazenê bêro famkerdene ke ma çitûr halî de bi zorî ya cuyenê.”

Her çend ke serokwezîrê Fransayî Edouard Philippe beyanat dano û vano ke “Ez gerreyê şarî fam kena” zî çalakgerî bertek nîşan danê hukmatî vanê hukmat cayê xo de hûmareno û baca dormareyî ya ke hukmat nîyet keno bîyaro protesto kenê.

Medyaya sosyale ser o seba çalakîyanê roja şemeyî vengdayîşê tewrbîyayîşê nê çalakîyan ame dayene. Goreyê anketanê ke virazîyayê, bawerîya se ra 62 yê Fransîyan naye ser o ya ke hêzê herînayîşî, vurîyayîşê sîstemê enerjîye ra hîna muhîm o.