Parlamentoyê Îraqî de vizêr şan wêçînayîşê serokkomarîye virazîya. Weçînayîşî de namzedê YNKyî Dr. Berhem Salîh sey serokkomarî ame weçînayene. Salîhî tûra yewine de 165 rayî girewtî, tûra dîyine de zî 232 rayî girewtî û bi serokkomarê newe yê Îraqî.
Parlamentoyê Îraqî vizêr şan seba serokkomarê neweyî ame pêser. Saete 20.00 de weçînayîş dest pêkerd. Tûra yewine de ti namzedî 220 rayî nêgirewtî û weçînayîşê serokkomarî tûra dîyine rê mend.
Tûra dîyine de namzedê YNKyî Dr. Berhem Salîh bi girewtişê 232 rayan sey serokkomarî ame weçînayene. Weçînayîş de 242 parlamenteren ray şuxulnayî.
Namzedê PDKyî Dr. Fûat Huseyînî tûra dîyine de tena 10 rayî girewtî.
