Roja Şemeyî pê droneyan hêrişê di tesîsanê petrolî yê serê Erebîstanê Seûdî amebi kerdene.Rîyê nê hêrişî ra berardişê petrolê nîmê ra amebi vindertene. Ame eşkerekerdene ke na rewşe beno ke çend hefteyî dewam bika. Petrola Erebîstanê Seûdî seba ekonomîya global zî zaf stratejîk a. Petrola ke berardişê ci amebî vindertene bazarê global de qasê sê ra 5 zêde ya.

Trumpî  ser twîtterî de va: "Hêrişêk petrolê Erebîstanê Seûdî rê ame kerdene. Tayê sedemî estê ke ma bawer ê ke ma sucdar nas kenê." Serekê DYA eşkere kerd ke ê amade yê ke cewabê hêrişî bidê û va: "La ma pabenê ke Qraltî ganî vaje ke kam nê hêriş kerdo û ganî ma do senî têw bigêrê."

Milîsê Hûsî yê Yemenî yê ke hetê Koalîsyonê Eraban ra binê tehdîtê hêrişî de yê berpirsîyarîya hêrişê şîrketê petrole ya Aramco girewtbi ser milê xo.Wezîrê Karanê Teberî yê DYA Mike Pompeo eşkere kerdbi ke delîlêk çin o ke no hêriş hetê hetkarîya Yemenî ra ame kerdene û Îran sucdar kerdbi ke peyê nê hêrişî de yo. Îran zî îfade kerd kerdbi ke na îddîayêka pûç a.