Kişîyayîşê George Floydî Washington, Philadelpia, New York de hetê des hezaran kesan ra ame şermezarkerdene. Çalakîyan de nîjadperestî û şîdetê polîsan ame protestokerdene û seba vîrameyîşê Floydî merasîmêk ame kerdene.

Girseyî çalakîyan de çok şîyî erdî ro û înan kuçeyê paytextê Amerîka Washington pirr kerdî. Atlanta de zî dormeyê peykerê Martin Luther Kingî de çalakîye ameye kerdene.

Dormeyê keyeyê Serekê DYA Donald Trumpî de zî fotografê afro-amerîkanijanê ke nê serranê peyênan de hetê polîsan ra ameybî kiştene, ameyî daliqnayene.

Vizêr zî keyeyê Floydî de vîrameyîşêk ame kerdene. Floyd 9ê hezîrane de Houston de do bêro definkerdene.