Goreyê bîlançoya ke hetê Verfekê Îdareyê Felaketanê Neteweyî ra ameya dayene, netîceyê erdlerz û tsunamî de nizdîyê 400 kesî merdî û bi seyan kesî zî birîndar bîyî.

Verfek Sutopo Purwo Nugrohoyî da zanayene ke 384 kesî merdî, 540 kesî zî birîndar bîyî û behr de pêlî heta metreyêko nîme berz bîyî.

Nika etirîyayîşê zêdebîyayîşê bîlançoye esto. Yeno vatene ke bi seyan kesî hîna mîyanê enkazan de estî. Reyna ame musayene ke xisarê madî xeylê giran o.

Enstîtuyê Jeolojîyê Amerîka (USGS) melumat da û goreyê melumatê USGSyî roja îne girawa Sulawesî de 2 erdlerzî virazîyayî û şîddetê erdlerzêkî zî 7.5 o.

Girawa Sulawesî, vakurrojawanê girawa Lambokî ke aşma temmuze û tebaxe de çend erdlerzî pêsero virazîyabî û netîceyê ci de 500 kesî merdbî de yo.