Tsûnamî roja Şemeyî saet 21.30 de virazîya. Vervatoxê Sazîya Îdareyê Felaketî ya Neteweyîye Sutopo Purwo Nugrohoyî vat hûmara merdeyan resaya 168, 745 birîndarî estê û 30 kesî zî vîndî bî.

Herême rîyê teqayîşê volkanî ra seserra 19ine de binê welîya sîyaye de mendebî. Netîceyê teqayîşî de 17 hezarî kesan cuya xo vîndî kerdebî.

Endonezya 17 hezarî girawe û girawekan ra yena pê. 28ê Êlule de erdlerzê bi şidetê 7.5î de şaristanê Palu erdî dir bibi yew, tewr tay 2.073 kesan cuya xo vîndî kerdebî. 5 hezarî kesî hewna zî vîndî yê.

Serra 2004 de qeraxanê girawa Sumatra de netîceyê tsûnamî de bi şidetê 9.3yî erdlerzêk virazîyabi. 220 hezar kesan cuya xo vîndî kerde. Nînan ra tenya 168 hezarî kesan cuya xo Endonezya de vîndî kerdebî.