Badê vengdayîşê Rayber Apoyî yê 27ê sibate Komîteya Rayberdişî ya PKKyî eşkera kerd ke ê vengdayîşî qebul kenê û ewro ra tepîya adirbirnayîş îlan kenê.

Vengdayîşê Rayber Apoyî û eşkerayîya Komîteya Rayberdişî ya PKKyî mîyanê deqayan de çapemîya dinya cayo hîra girewt.

Teberê ajansanê fermîyan ê Rûsya û Îranî Sputnik û IRNA hema hema pêro dezgehanê çapemenîye yê dinya xebere daye. Servîsê tirkî yê Sputnikî zî xebere bi ziwanê medyaya paştgêre daye.

REUTERS:

Reutersî bi vatişê badê vengdayîşê Rayber Apoyî PKK adribirnayîş îlan kerd xebere daye û bale ente ser ke şer 40 serrî yo dewam keno

ASSOCIATED PRESS NEWS (AP)

APî zî bi da eşnawitene ke badê vengdayîşê Rayber Apoyî PKKyî zereyê 2 rojan de qerarê adirbirnayîşî girewt.

France 24 

France 24î bi îfadeyê ''Ma vengdayîşî sey ci qebul kenê û ma do vatişanê ci bîyarê ca'' xebere pare kerde.

Xinhua

Ajansê xeberan o fermî yê Çînî Xinhua zî xebere bi kodê 'Flaş'î da pêhesnayene ke PKK badê vengdayîşê Rayber Apoyî adirbirnayîş îlan kerd.

Al Jazeera

Al Jazeera zî da zanayene ke PKKyî adirbirnayîş îlan kerdo û vat, ''PKK wazeno ke rayberê ci Abdullah Ocalano ke zîndan de yo was erbest bêro verdayene.''

Jarusalem Post

Jarusalem Posto ke merkezê Îsraîlî ra weşan keno wendoxanê xo rê da eşnawitene ke PKKyî adirbirnayîş îlan kerd.

SKY News

Televîzyonê SKY Newsî zî sey deqaya peyêne xebera adirbirnayîşî seyrkerdoxanê rê pare kerd.

BBC

BBCyî bi îmzayê  David Mercerî qerarê adirbirnayîşî  PKKyî bi xebera hîra  da pêhesnayene.

Sputnik

Servîsê îngîlîzkî yê ajansê ferfî yê Rûsya Sputnikî xebere nêvînayîşî ra ameye û servîsê tirkî zî ziwanê medyaya paştgêre şuxulna.

Qerarê adribirnayîşî yê PKK sere de DW, CNN International, Al Arabiya, Bloomberg, The Washington Post, The Times Of Israelxeylê rojname, televîzyon û sîteyanê xeberan ê dinya pare kerd.