Vervatoxêkê Pentagonî vat “Qerarname ame îmzakerdene” û sewbîna detay nêda.

Serekê Amerîka Donald Trumpî roja Çarşemeyê verênî fermanê ancîyayîşê leşkeranê Amerîka dabi.  

TRUMPÎ DAÎŞ ERDOGANÎ RÊ VERDAYO!

Trump wazeno ke ancîyayîş “hêdî bibo û Tirkîya dir bikoordîne bibo.”

Goreyê Trumpî Erdoganî ê rê derheqê “qedînayîşê DAÎŞî de bi îfadeyanê zaf bihêzan temînatî dayê.”

Meseleyê Erdogan do senî û kamca mucadele bikero zelal nêkerd. Derheqê paştîdayîşê çeteyanê DAÎŞî de Tirkîya paştîdayoxa tewr pîl a.