Şewa yewşemeyî şaristanê Audeyî ke başûrê welatî de nizdê sînorê Îspanya yo, rîyê varanê zafî ra laserî weriştî û qezayan de tehrîbatêko pîl virazîya. Ame zanayene ke varitişo ke rojêk dewam kerd hendeyê varitişanê 6 aşmanê herême bi.

Bi eşkerayîya walîtîya Audeyî rîyê laseran ra bajarê Trèbesî de 6, Villegailhencî de 2 û komunanê Villardonnel, Villalier û Carcassonne de zî 1 kesan cuya xo kerde vinî. Walîtîye verî hûmara merdeyan sey 13 dabî.  

Heman wextî de goreyê walîtîye 8 kesî bi giranî birîndar bîyî, 2 kesî zî hewna vindî yê.   

XETAYA METEOROLOJÎ AMÎ QEBÛLKERDENE

Eşkerayîya ke hetê Wezîrîya Karê zereyî ra ke hewna bi wekaletî hetê serekwezîr Edouard Philippeyî ra yena rayraberdene, ame vatene varitişanê zafan herême xefil de girewta. Vervatoxê Wezîrîye Frédéric de Lanouvelle îtîraf kerd ke texmînê sazîya meteorolojî ya Fransizan de xelet bîyo û ard ziwan ke ganî şertanê normalan de „elarmo sûr“ biameyêne dayene.