Televîzyonê El Masîra ke girêdayeyê Husîyan o, dîyar kerd ke fuzeya ke erzîyaya, tesîsê şîrketê Aramco ke bajarê Cîzanî de yo, hedef girewto.

Verfekê Koalîsyonê Ereban ke rayberîya Erebîstanê Seudîyî keno, da zanayene ke fuzeye cayê ke merdimî tede cuyenî hedef girewto. Albay Turkî el Malîkîyî zî va ‘ma fuze asteng kerda û ti xisar nêbîyo’.

Seke yeno zanayene 6ê êlule de zî amebî aşkere kerdene ke bajarê Najranî Erebîstanê Seudîyî ser o dîyaya fuzeyêka ro û amebî vatene ke kewtişê parçeyanê fuze ver 26 kesî birîndar bîyî.

Goreyê Koalîsyonê Ereban, 2015 ra nata tewr kêmî 185 fuzeyî erzîyayî Erebîstanê Seudî û zafaneyê fuzeyan ameyî asteng kerdene.