Îdarekarê Ekonomî yê IMFyî Gita Gopinathî wina pare kerd: ''Dinya mabênê di mengan de bi hawayêkê radîkalî vurîyaye. Ma raştîyêka xorine reyde rî bi rî yê.''

Gopinathî raporê perspektîfanê ekonomîyê dinya ra dewam kerd û vat: ''Îhtîmalêko pîl o ke emser resesyono tewr xirab do bibo ke serra 1930î Buhranê Pîlî ra nata nêdîya.''

Netîceya tedbîranê vera pandemîya vîrusê Korona de bazirganîya mîyanneteweyîye kewte. IMF serra 2020î de warê ekonomî û bazarîye de se ra 11 kêmasîya hacmî texmîn keno.

Dîya zanayene ke ekonomîyê dinya zî serra 2021î de do biba ganî. Labelê no zî pabesteyê vilabîyayîşê janî yo. Eke vîrus nêro çarekerdene resesyon do xorinêr bibo.