Goreyê WHOyî beno ke vîrus qet çin nêbo
Rêxistina Weşîye ya Dinya (WHO) hîşyarîye daye ke vîrusê Korona beno ke qet çin nêbo û sey nêweşîyêk bimano ke merdimî neçare bimanê ke pê biciwîyê.
WHOyî roja çarşemeyî mesajêk weşana. Mudirê WHOyî yê Meseleyanê Weşîye yê Lezabezan ra Berpirsîyar Michael Ryanî vat: ''Vîrusêko newe esto ke reya verêne xo verda komel û xehmet o ke merdim vajo key ma do pê bieşkê. No vîrus beno ke endemîk bibo û qet çin nêbo.''
Goreyê cigêrayîşan ê neweyan ê Covid-19î eşkera bi ke vîrusê Korona wexto ke merdim qisey bikero zî vila beno.
