Sekreterê Pêroyî yê Neteweyanê Yewbîyayeyan (NY) Antonio Guterresî kombîyayîşê pîlî yê NYyî de qisey kerd ke kombîyayîş derheqê krîzê îklîmî de ame kerdene. Guterresî vat ke zêdîyayîşê emîsyonê gazê sera bîyo sebebê germîya globale coka emser şewatê pîlî û germîya tehlukeyîne qewimîyayê.

Guterresî vat: ''Merdimatîye berê cehenemî akerd. Tesîrê germîya zêde ra citkarî pêrîşan bîyê, berhemê înan laserî ver de şîyê. Germîya zêde bena sebebê nêweşîyan û şewatanê pîlan. Bi hezaran merdimî tersî ra remenê.''

Amerîka û Çîn ê ke dinya de tewr zaf gemarîye kenê, beşdarê kombîyayîşî nêbîyî. Brîtanya zî verê tay sozanê serê vurnayîşê awhewayî girewt.

Guterresî ard ziwan ke erey nîyo ke germîya globale pîlîya 1.5 de bêra vindarnayene û no destê lîderan de yo. Guterresî vat: ''Ma hînî eşkenê ke hewaya pakîye, karê pakî û enerjîya pake awan bikerê.''