Hetkara Hemserekanê HDPyî ya Komîsyonê Şarî û Bawerîyan ra Berpirsîyare Tulaye Hatîmogullari pê wesîleya 21ê gulana 1864 serrgêra Qirkerdişê Çerkesan eşkerayîyêke weşanaye.

Eşkerayîye de ame vatene: ''Na cografya de felaketê pîlî estê. Înan ra yew zî Qirkerdişê Çerkesan o ke 21ê gulane de ame kerdene. Çerkesî 21ê gulana 1864î de hetê Rûsyaya Çarîye ra ameyî surgunkerdene. Rayîranê surgunî de 1.5 mîlyon çerkesan ra tewr tay 500 hezar çerkesî merdî. Çerkesî 156 serrî yo ke gêrenê edalet. Ma venga Federasyonê Rûsya, Tirkîya û pêro dinya danê ke Qirkerdişê Çerkesan nas bikerê. Seba ke çerkesê dîasporayî bêşert û mercan abigêrê welatê xo derfetanê madî û manewîyan pêşkêşê ci bêrê kerdene.''

Peynîya eşkerayîye de HDPyî Qirkerdişê Çerkesan şermezar kerd û bat ke ê tim çerkesan reyde yê.