Şaristanê Koblenzî yê Almanya de endama DAÎŞî Nadîn K. (37) ya ke hemwelatîya Almanya ya, seba ke cinîyêka êzidîye kerdbî kol û bîya hemkara qirkerdişî mehkeme de cezaya zîndanî ya 9 serran girewte.

Nadîne K. kanûna 2014î ra heta adara 2019î endama DAÎŞî bîye. A verî şîye Sûrîye, mêrdeyê xo yê cergê DAÎŞî hetî de mende. 2015 de a û mêrdeyê xo şîyî Mûsil û dima agêrayî Sûrîye.

Nîsana 2016î de Nadîne K. û mêrdeyê ci cinîyan êzidî ya 22 serre kerde kole, keyeyê xo de xebitnaye, Îslam ferzê ci kerd. Mêrdeyê Nadîne K. zî bi 'destûrê cinîya xo' tecawuzê cinîya êzdiîye kerde.

Nadîne K. adara 2022 de wexto ke agêrayêne Almanya tepişîyaye.

Mehkemeya Almanya 2021 de sûcê vera êzidîyan sey 'qirkerdişî' pênase kerdî.