Hêrişê Kabîlî de hûmara merdeyan resaye 55
Paytextê Afganîstanî Kabîl de hêrişo bibomba yo ke Şewa Mewlîdî de amebi viraştene de hûmara kesanê ke cuya xo vîndî kerde resaye 55, tewr tay 80 kesî zî birîndar bîyî.
Afganîstan de vizêr hemverê aktîvîteya Şewa Mewlîdî de ke roja bîyayîşê Hz. Muhemmedî ya hêrişêko bibomba ame viraştene, hêriş de hûmara kesanê ke cuya xo vîndî kerde resaye 55.
Eşkerayîya hêzanê asayîşî de vajîya ke “Ma hewna nêzanê kamcîn grûba bisîlehe no hêriş viraşto.”
Hêrişkarê xokiştişî salonêka salone veyveyî ya bi nameyê Ûranusî de hêriş viraşt.
Polîsê Afganî zî ard ziwan ke hêrişkar kewto mîyanê qerebalixo ke 200 kesan ra ameyo pê.
Hetêna ra selahîyetdaranê nêweşxaneyî vat beno ke hûmara merdeyan hîna bibo zêde.
