Mudurê weşîya umûmîye ya Pittsburghî Wendell Hissrichî vat: „Hêriş de 11 kesî merdî.“ Selahîyetdarî ard ziwan ke hêriş de domanî nêmerdê û vat: „Tera 4ê ci polîsî 6 kesî birîndar bîyî.“  

Serekê Dewletanê Yewbîyayeyan ê Amerîka Donald Trumpî hemverê hêrişî de reaksîyon ramot, ard ziwan ke ganî bi tu hawayî antîsemîtîzmî rê tolerans nêramojîyo.

Trumpî vat: „Antîsemîtîzm û zulmo ke hemverê yahudîyan de yeno kerdene têgêrayîşo tewr tarî û kewte yê tarîxê merdimayîye ra yo.“  

Hêrişo ke roja şemeyî virazîya, tarîxê welatî de hêrişo tewr pîl ê hemverê yahudîyan o.

Ame zanayene ke hêrişkar hetê polîsan ra ameyêne şinasneyene. Labelê ê hîna zaf medyaya sosyale de hemverê yahudî û xerîban de nefretê xo ardo ziwan. Ame vatene ke Robert Bowerso 46 serre bi sîlehê Ak-47î û hîrê dabançeyanê tîpê Glockî kewt sînegog û hemverê yahudîyan de vatişî nêweşî vatî û bi vatişê „Ganî heme yahudîyî bimirê“ guleyî varnayî.