Hetê muracatanê îltîca ra Tirkîya Afganîstan derbaz kerd
Menga temmuze de 3 hezar û 791 kesan Tirkîya ra verê xo Almanya û nînan seba multecîtîye-îltîca muracat kerd. Na hûmare Afganîstan zî xo pey de verda ke tede Talîban serdest o.
Goreyê doneyanê Dayîreyê Multecîtîye û Koçberîye yê Federalî (BAMF) menga temmuze de Tirkîya ra 3 hezar û 791 kesan seba multecîtîye muracatê Almanya kerdo. Tirkîya ra dima tewr zaf sûrîyeyîjan muracatê multecîtîye kerdo. Tirkîya bi nê mîqtarî Afganîstan xo pey de verda.
Destpêkê 2023yî ra heta nika Tirkîya ra 23 hezar kesanê bînan muracatê multecîtîye kerd. No mîqtar mîqtarê 2022yî ra di qat zêdeyêr o.
Dima ke AKP-MHP newe ra bi îqtîdar tedayanê sîyasîyan û krîzê ekonomîkî ra Tirkîya ra muracatê îltîcakerdişî zêdîyayî.
2021 de Tirkîya ra 7 hezar û 67 kesan, 2022 de 23 hezar û 938 kesan û hewt menganê 2023yî de zî qasê 23 hezar kesan seba multecîtîye muracatê Almanya kerd.
BAMFî da zanayene ke teyna se ra 15ê muracatî ameyo qebulkerdene. 2022 de zî muracatanê îltîcakerdişî ra se ra 27.8î amebi qebulkerdene.
