Seba ke verê vîrusê Korona bêro girewtene, xeylêk welatan de qedexeyê vejîyayîşê deberî ame îlankerdene û tay astengîyî ameyî ferzkerdene. Labelê nê tedbîrî bi taybetî welatanê xizanan de nêeşkîyenê bêrê caardene. Nê cayê ke tede xela esta rîskê vilabîyayîşê vîrusî zêdêr kenê.

Ekvator de ke welatêkê Başûrê Amerîka yo û heta nika tede 7 hezar kesî pê vîrusî kewtî, bi taybetî xizanî tesîrê vîrusî de manenê. Heta nika welat de tewr tay 355 kesî vîrusî ra merdî.

Se ra 72ê nêweş û qrubanê welatî eyaletê Guayasi yê paytextê Guayaquilî de yê. Şaristanê Guayaquilî de ke qeraxa Pasîfîkî de yo taxanê xizanan de rewşe qerqilnena. Taxa Nigeria ya şaristanî de ke roniştoxê ci bi giranî afrîkayîj ê, yeno îdîakerdene ke hema vîrus nêame tesbîtkerdene labelê qedexeyê vejîyayîşê teberî ra meseleya werdî esta.

Canêardişê qedexeyê vejîyayîşê teberî meseleyêka biqesawete ya ke roniştoxê herême xizanîye ra vejîyenê kuçeyan. Tedaya hêzanê leşkerî ya vera şarî zî zêdîyaye.

Afrîkaya Başûre de bi taybetî şaristananê pîlan, taxanê xizanan de nawnayîşî yenê kerdene. Taxa Mitchells Plainî yê şaristanê Capî de semedê nêbîyayîşê werdî ra merdimî vejîyayî meydanan. Polîsan vera înan bombayî û fîşekê plastîkî xebitnayî.

Zaf şaristananê welatî de nawnayîşî yenê kerdene û hemwelatîyî nêresayîşê kolîyanê hetkarîye yê dewlete şermezar kenê.