Hezazê Fîlîpînî de 85 kesî merdî

Netîceyê hezaz û laseranê ke Fîlîpîn de virazîyayî 85 kesan cuya xo vîndî kerde.

Rîyê hezaz û laseran ra Fîlîpîn de  85 kesî merdî û 20 kesî zî vîndî yê.

Goreyê eşkerayîya selahîyetdaran ra mîyanê merdeyan de domanî zî estê. Ame vatene ke zafaneyê kesanê ke cuya xo vîndî kerda binê bananê rijnayeyan ê ke netîceyê hezazî de rijîyayê de mendê û can dayê.

Felaket de pêro pîya 85 kesan cuya xo vîndî kerde, 20 kesî zî vîndî yê.

No felaketo ke eyaletanê merkezîyan ê Fîlîpînî de virazîya netîceyê varayîşanê zafan ra ame meydan.

Ame zanayene ke hezazî herêmanê rojakewtena Bicol û Vsayasî de virazîyayê.

Bicolo ke tede 5,8 mîlyon kesî ciwîyenê de rîyê felaketî ra 68 kesan cuya xo vîndî kerde. Bicolo de berdarîya riz û lazutî yena kerdene û yeno vatene ke ziraro ke arazîyan de virazîyayo 342 mîlyon peso (5,7 mîlyon Euro) yo.

Fîlîpînan de her serre nizdê 20 gijolekê tropîkalî virazênê.