Îdarekarê Pêroyî yê Rêxistina Karî ya Mîyanneteweyîye (ILO) Guy Ryderî raporê xo pêşkêşê çapemenîye kerd û venga hukmatan da ke seba ke krîz wextêkê dergî tesîrê ciwanan nêkero ganî baldar bibê.

Goreyê cigêrayîşê ÎLOyî yo ke 29 serrîyan ra qijêran de ame kerdene, roja verêne ya Korona ra heta nika her 6 ciwanan ra ciwanêk/e karî ra vejîya/ye. Êyê ke karê xo dewam kene, se ra 23 saetê xebata înan kêmîyaye.

Krîzê weşîye ra verî zî mîyanê ciwanan de bêkarîye, goreyê kategorîyanê bînan ê komelî zêdêr bîye. Serra 2019î de nîsbetê bêkarîya ciwanan se ra 13,6 bi. Serra vîyarte de nêzdîyê 267 mîlyonan ciwanî bêkar mendî.

Ryderî vat: ''Krîzo ekonomîk ê Covid-19î hêverî cinî û ciwanan rê giranêr û lezêr tesîr keno.''