Iraq de menga nîsane ra nata 10 reyî firteneyê tozî werişt. Şewdirê dişemeyî de zî Bexdad û dormeyê ci de reyna firteneyê tozî werişt û tozî ra Meydanê Teyarayan ê Bexdadî seferê xo betal kerdî.

Necef de zî teyarayan şertanê xiraban ê firteneyê tozî ra seferê xo betal kerdî.

Menga gulane de firteneyê tozî bi giranî tesîrê şaristananê Başûrê Kurdîstanî û Tirkîya kerdbi û dima tozê ke pê hewreyan kirişîyayê, şaristananê Çewlîg û Dêrsimî yê Vakurê Kurdîstanî rê tesîr kerdbi.