Iraq sey fermî waşt ke wa Tirkîya Iraqî ra vejîyo
Wezîrîya Karanê Teberî ya Iraqî veng da Sersefîrê Tirîya yê Baxdadî Fatîh Yildizî û tira vat ke wa Tirkîya cade hêrişanê xo vindarno û erdê înan ra vejîyo.
SÎHAyanê artêşa tirk a îşxalkere herêma Kelaşînî ya Başûrê Kurdîstanî de da wesîyetêkê Hêzanê Asayîşî yê Sînorî yê Iraqî ro. Netîceya hêrişî de Fermandarê Tugayê 2. Mihemed Reşîd, û Fermanarê Tugayê 3. Zubeyr Halî merdî.
Badê nê qewimîyayîşî Wezîrîya Karanê Teberî ya Iraqî veng da Sersefîrê Tirkîya yê Baxdadî Fatîh Yildizî û tira vat ke wa Tirîya cade hêrişanê xo vindarno û erdê înan ra vejîyo.Hukmatê Iraqî waşt ke dewleta tirke derheqê hêrişî eşkerayîya zelal bido, derheqê berpirsîyaran de tehqîqat bido destpêkerdene.
