Iraqî waşt ke wa Tirkîya hêzê xo peyser bianco

Hukmatê iraqî badê hêrişê vera Mexmûr, Şingal û waranê gerîlayan dewleta tirke ra waşt ke wa hêzê xo yê leşkerî peyser binaco.

Goreyê xebara ajansê AFPyî yê Fransa Wezîrîya Karanê Teberî yê Iraqî veng dake wa Tirkîya ''çalakîyanê xo yê provaktîfan'' caverdo û herra Iraqî ra vejîyo.

Reyna Wezîrîya Karanê Teberî yê Bexdadî da zanayene ke înan reya dîyine vang dayo sersefîrê Tirkîya Fatih Yildiz zî û mektubê  protestoyî dayo ci. Ame vatene ke mektub de dewleta tirke bi vatişanê tujan ameya şermezarkerdene.