No hukmo verên destpêkerdişê çalakîyanê şermezarkerdişî ra di mengî dima ame girewtene.

Mehkema Ceza ya Şaristanê Kutî yê Bexdadî efserêkê polîsî  seba kiştişê çalakîkeran sey sucdar dî û seba efserî bira cezaya dardekerdişî daye. Seba serhengêkî zî cezaya 7 serran ameye dayene. 2ê teşrîna peyêne de şaristanê Kutî de 7 çalakîkerî amebî kiştene. Keyeyê 2ê înan derheqê kiştişan de agahdarîya sucî kerd û na çarçewe de derheqê efser û serhengî de dewa ameye akerdene. 1ê teşrîna verêne ra nat Iraqî de nawnayîşanê vera hukmatî de 420 kesan ra zêdêr kesî ameyî kiştene. Netîceyê çalakîyan de Serekwezîrê Iraqî Adil Abdulmehdîyî îstîfa kerd.