Paytextê Iraqî Bexdad de derheqê Kampa Holî ya Rojawanê Kurdîstanî de konferansêk ame kerdene. Iraqî venga komelê mîyanneteweyî da ke keyeyanê DAÎŞî yê ke hemwelatîyê înan ê û Kampa Holî de manenê bişawê welatanê înan. 

Konferans de dîya zanayene ke Kampa Holî de tewr tay 51 hezar kesî manenê ke keyeyê DAÎŞî yê û 60 neteweyanê cîyayan ra yê. Konferans de ame parekerdene ke Kampa Holî vera asayîşê herême tehlukeyêko cidî yo.